वेरूळ — कैलास मंदिर

वेरूळचे कैलास मंदिर — एकाच अखंड डोंगरातून वरून खाली कोरत बनवलेले मंदिर. जगात याच्यासारखे दुसरे बांधकाम नाही.

मोफत. A4 कागदावर छापण्याच्या आकाराचे. छपाईच्या पेटीत ‘ब्लॅक अँड व्हाइट’ निवडले तर रंगीत शाई वाचते. शाळेला आणि अंगणवाडीला हव्या तेवढ्या प्रती काढा.

रंगवताना काय बोलावे

मूल चित्रात रमलेले असते ते दहा मिनिटेच शब्द सहज आत जातात — धडा वाटत नाही म्हणून. हे विचारून पाहा:

हे मंदिर वरून खाली कोरत बनवले. आपण घर बांधताना उलटे — खालून वर — करतो. का?
कोरताना चूक झाली तर दुरुस्त करता येईल का?
मंदिरावर किती हत्ती दिसतात, मोजा.

हे चित्र शिकवणारे शब्द

महाराष्ट्राबाहेर वाढणाऱ्या मुलांसाठी हे उपयोगी. रंगवताना प्रत्येक वस्तूचे नाव मराठीत सांगा; उत्तर इंग्रजीत आले तरी दुरुस्त करत बसू नका — तुम्ही ते मराठीत पुन्हा म्हणालात तरी पुरे.

मंदिरकैलासशिखरहत्तीअखंड

कोणत्या वयाला

दोन वर्षांचे मूल अख्ख्या कागदावर रेघोट्या मारेल — ते बरोबरच आहे, त्या वयाचे कामच ते. तीन वर्षांला आकार ओळखू येतात, पण रंग रेषेबाहेर जातो. चार-पाच वर्षांला रेषेच्या आत राहायला लागतात. कोणतेही वय असो, ‘रेषेच्या आत रंगव’ असे दुरुस्त करू नका — मग त्याचे कामच होऊन बसते.

याच संचातील आणखी

एकूण 36 चित्रे आहेत — सर्व पाहा.